Diajar Basa Sunda

Munggah téh sasayagian nyanghareupan puasa. Di lembur mah, biasana unggal imah hajat leuleutikan. Nyangu gedé lengkep jeung ngalodéh, meuncit hayam, nu kabeneran boga balong, ngabedahkeun balong. Geus asak tuluy silihanteuran jeung tatangga.

Barudakna ogé nyarieun acara sorangan. Lian ti nyapukeun bedug keur ngadulag, kuring mah sabatur-batur, biasana ngaliwet jeung meuleum lauk. Ngaliwet mah biasana malem Ahad.

Naha ti peuting? Beurang mah teu resep jeung …. sieun kanyahoan. Sasayagianana ti wayah asar. Nyiapkeun kastrol, béas, jeung samara. Kastrol bagéan Si Semar. Ngaran benernamah Si Endang. Ku sabab lintuh jeung pendék, dilandi Ki Lurah Karang Tumaritis. Alias Bapa Semar téa.

Saméméhna kungsi dilandi si Entog. Tapi teu nerap. Antukna jadi Si Semar. Si Endangna deuih siga leuwih narima disebut Si Semar. Bisa jadi sok sanajan rupana goréng patut, tapi sakti jeung turunan déwa.

Ari béas jeung samara, moal ti saha deui, lamun lain ti Kuring. Kabeneran bapa téh ngawarung jeung ngabandar béas. Kécapna ménta ka indung. Can ngalaman ditolak. Méréna ogé kécap botol, lain kécap écéran nu diisukeun tina blek. Kecap nu aya mérekna. Béasna nu alus deuih. Nu diliwetna beukah sarta didaharna pulen.

Kamus Alit

Lembur = kampung

unggal = setiap

hajat = pesta

nyangu = membuat nasi

ngalodeh = membuat sayur lodeh

meuncit = memotong

hayam = ayam

balong = empang

barudak = anak anak

sorangan = sendiri

ngaliwet = membuat nasi liwet

meuluem = membakar

beurang = siang

peuting = malam

kanyahoan = diketahui

wayah = waktu

kastrol = alat untuk membuat nasi liwet

samara = bumbu

lintuh = gemuk

samemehna = sebelumnya

beas = beras