Bahan UAS Wangkongan : Leutak Panas (X)
Leutak Panas
| Tatang Suhérman | Kuring mah karunya ka urang Sidoarjo. |
| Agung Soléhudin | Euh .. soal lumpur panas téa? |
| Tatang Suhérman | Lain lumpur atuh ari basa Sunda mah. Tapi, leutak. Leutak panas. Kacipta upama urang nu ngarandapan. Gara-gara goréng gawé batur, imah, kebon, sawah, jadi korban leutak panas. Pasti sedihna. Banjir onaman leuheung, biasana cai wungkul jeung tara nepi ka bubulanan. |
| Agus Solehudin | Geuning Tatang gé nyebut banjir, lain caah? |
| Tatang Suhérman | Da banjir mah geus jadi basa Sunda. |
| Tikeu Gustini | Naha tatang nyebutkeun gara-gara goréng gawé batur? Apal kitu kumaha mimitina. |
| Tatang Suherman | Nya apal atuh, da uing mah terus nuturkeun beritana. Boh tina Koran, majalah, atawa televisi. |
| Agus Solehudin | Ari berita basa sunda kitu? Lain warta basa sundanamah? |
| Tatang Suhérman | Edas siganamah neuteuli yeuh, batur téh. Bener basa Sunda mah warta. Tapi, kumaha atuh da geus ngeunah warta deui nyebut berita téh. Hampura baé. |
| Tikeu Gustini | Heup atuh, ulah masualkeun soal basa, abdi mah hayang apal kumaha mimitina kajadian lumangsung. Pangpangna naha ku tatang disebut gara-gara goréng gawé nu séjén. |
| Tatang Suhérman | Enya, apan gara-gara kasalahan PT Lapindo Brantas waktu ngebor taneuh keur ngalirkeun gas. Kawas nu keur ngebor jang sumur kompa, migawéna kurang ati-ati. Aya katangtuan téhnis anu teu dilaksanakeun. Nya éta henteu buru-buru masang casing. Casing téh panutup sisi-sisi pipah, pikeun ngahalangan taneuh jeung leutak. Akibatna si mata bor téh kakubur. Kajadian saterusna, leutak panas kaluar henteu ngaliwatan pipah. Jadina mancawura ka mana-mana. Mangkaning puluhan malah ratusan rébu kubik. |
Sumber : Pamager Basa Hal 166
Kamus Alit
Kuring : saya
Karunya : kasian
Leutak : lumpur
Kacipta : dapat dibayangkan
Upama : jika
Goreng gawe : kesalahan
Imah : rumah
Kebon : kebun
Leuheung : mendingan
Onaman : namun (kt penghubung)
Cai = air
Wungkul : hanya
Bubulanan : berbulan-bulan
Caah : banjir
Mimitina : awal mulanya
Nuturkeun : mengikuti
Neuteuli : dendam
Kumaha : bagaimana
Nyebut : menyebut
Heup : stop
Ulah : jangan
Pangpangna : sebabnya
Migawena : mengerjakannya
Katangtuan : ketentuan
Pikeun : untuk
Ngahalangan : mengalami
Kakubur : terkubur
Saterusna : selanjutnya
Ngaliwatan : melewati
Mancawura : berhamburan
Pairan